Info

Location

Nom Succès vum leschte Joer, ass de Bal rëm an der Rockhal zu Esch-Belval! Vir dass jidderee vun Iech op seng Käschte kënnt, hutt Dir an 2 Säll d’Méiglechkeet verschidde Musek ze lauschteren. Ween et léiwer mol eng Kéier gäre méi roueg huet ass dat och kee Problem. Fir Navetten ass gesuergt an natierlech gëtt et och en Parking direkt niewendrun. Wei een an d’Rockhal kënnt fannt dir hei.

 

14c32c0476e104ed00ee4acecb2c8f1a

 

Oweskeess

Fir déi Leit déi sech méi spéit entscheeden op den Zürcher Bal ze kommen, besteet natierlech och d’Méiglechkeet fir d’Entrée den Owend selwer an der Oweskeess ze bezuelen. Dësen Ticketsverkaaf geet lass wann de Bal seng Dieren opmécht, um 21h. Natierlech hunn mir fir eis Late-Birds och en Repertoire un Ticketen, mee denkt drun dass en net illimitéiert ass!

Lëschtekeesen

Verschidden auserwielte Leit kréien dëst Joer de Privileg, zu eiser Lëschtekeess eran ze goen. Dëst sinn:

  • D’Membere vum LSZ (nëmme mat Memberskaart 14/15)
  • D’Membere vun der GEP (Mellt Iech w.e.g. beim GEP Comité un!)
  • D’Comitésmembere vun engem Studentencercel (ACEL Comitetheik Lëschten)
  • D’Gewënner vun enger gratis Entrée
  • All déi aner, deenen de LSZ e spezielle Merci fir hier Mataarbecht um Zürcher Bal wëll ginn (nëmme mat Invitatioun vum LSZ Comité)

Alleguerten déi Leit stinn op enger Lëscht déi an enger eegener Keess hannerluecht ass. Jiddereen deen op sou enger Lëscht steet muss sech ausweisen, also vergiesst op kee Fall är Carte d’Identité.

 

WICHTEG:

Eng Gratisentrée gëllt nëmme fir eng Persoun; wann Dir a Begleedung sidd, da muss déi Persoun een Ticket kafen (am beschten am Virverkaf). Gratis Entréeë kënnen net op aner Persounen iwwerdroe ginn: Eng Persoun déi zwou garantéiert Entréeën huet , kann déi iwwerflësseg Entréesgarantie NET op eng aner Persoun iwwerdroen.

Präisser

Souwuel am Virverkaf wéi an der Oweskeess gëllen folgend Tarifer:

Fir jiddereen deen méi wéi 18 Joer huet an eng Studenten- oder Schülerkaart virweisen kann, kënnt zu folgenden Präisser op eisen Bal:

  • Studententarif: 17€

Fir jiddereen deen méi wéi 18 Joer huet an net Student oder Schüler as:

  • Normaltarif: 22€

WICHTEG:

Bréngt onbedéngt är Studentenkaart mat op de Bal. Ween eise Leit an der Keess seng Studentekaart net ka weise muss den Normaltarif vun 22€ an der Oweskeess bezuelen, resp. d’Präisdifferenz vu 5 € op den Normaltarif nobezuele wann een en Virverkafsticket zum Studententarif kaaft huet.

Dir kennt net méi eraus aus dem Bal no ärer Entrée, mee natierlech gëtt eng Terrasse fir frësch Loft iech iwwerlooss.

 

Andeelung vun den Keesen den Owend selwer

Fir dass Dir den Owend selwer net ze laang musst an der Schlaang waarden, deele mir eis Keesen op. Et gëtt getrennt zwëschent Virverkafs- an Oweskeess a fir eis Invitéen ass d’Lëschtenkeess do. Fir dass Dir den Owend selwer déi richteg Keess direkt fannt, wäerte mir op dëser Plaz e Plang eropschalten an natierlech alles virun der Dier uweisen.

Musek

Zwee DJ’en leeën desst Joer am Sall Metropolitan(grousse Sall) op, als éischt spillt den DJ Caine , an duerno den David Puentez! Dëse leschten ass en groussen opkommenden DJ aus Däitschland am House Beräich, hie léisst regelméisseg de Bam a grousse Clubs zu LA, Berlin, Bangkok a Beirut brennen an desst Joer och är Chrëschtdagsfeier! Am Sall Factory spillen The Noismakers an als warm-up de Mister D. Méi Detailer fannt Dir bei der Beschreiwung vun den Säll. Mei Infoen zur Musek fannt dir hei.

Dresscode

Erfuerdert ass déi zum Zürcher Bal traditionell ‘Tenue correcte’, dat heescht Oweskleed fir d’Damen a Costume a Krawatte fir d’Hären. (Oppassen: Virverkafsticket’en kënnen net rembourséiert ginn). Et sief och bemierkt dass et net méiglech ass an der Oweskeess en Ticket an der Jeans kafen ze kommen a méi spéit an Tenue correcte op de Bal ze kommen. Mir behalen eis d’Recht vir, Leit déi dem Wiese vum Bal net ugepasst ugedoe sinn d’Entrée ze verweigeren.

Alterslimite

De Mindestalter fir eran ze kommen ass 18 Joer. Eist Sécherheets- a Keesenpersonal ass ugewise systematesch Alterskontrollen ze maachen. Ween do laut Carte d’Identité manner wéi 18 Joer huet oder sech net kann ausweise wäert net op de Bal eragelooss ginn (Oppassen: Virverkafsticket’en kënnen net rembourséiert ginn).